नगर । प्रतिनिधी - श्रीनाथ नागरी पतसंस्थेच्या माध्यमातून ठेवीदारांच्या कोट्यावधी रुपयांची फसवणुक झाली आहे. या पतसंस्थेवर प्रशासकाची नियुक्ती करण्याचे आदेश नाशिक विभागीय सहनिबंधक यांनी दिले असताना त्याची अंमलबजावणी होत नसल्याने व पतसंस्थेचे ऑडिट करण्यास टाळाटाळ केली जात असल्याच्या निषेधार्थ संतापलेल्या ठेवीदारांनी शुक्रवारी जिल्हा उपनिबंधक कार्यालयात ठिय्या आंदोलन केले.
जिल्ह्यासह राज्यभरातील हजारो ठेवीदारांची कोट्यावधी रुपयांची फसवणुक केलेल्या पोपट एकनाथ शेवाळे यांच्या श्रीनाथ नागरी पतसंस्था मर्या. या पतसंस्थेवर प्रशासकाची नियुक्ती करण्याकामी विभागीय सहनिबंधक नाशिक विभाग नाशिक यांनी दि.4 सप्टेंबर 2018 रोजी जिल्हा उपनिबंधक यांना चौकशी करण्याचे आदेश दिले होते. मात्र, जिल्हा उपनिबंधक अहमदनगर यांनी अद्यापपर्यंत कोणतीही कार्यवाही केली नसल्याने तसेच सदरच्या पतसंस्थेचे ऑडिट करण्यास या विभागाचे लेखापरिक्षक बी.ई. टेकाळे टाळाटाळ करीत असल्याच्या निषेधार्थ पतसंस्थेच्या ठेवीदारांनी जिल्हा उपनिबंधक कार्यालयात ठिय्या आंदोलन केले. सहकार विभागाच्या हलगर्जीपणामुळे अपहार करण्यास पतसंस्थांना वाव मिळत असल्याचा आरोप ठेवीदारांच्या कृती समितीचे अध्यक्ष गणेश गिते यांनी केला. श्रीनाथ नागरी पतसंस्थेची चौकशी व ऑडिट पुर्ण करण्याच्या मागणीचे निवेदन जिल्हा उपनिबंधक दिग्वीजय आहेर यांना देण्यात आले. अन्यथा दि.12 फेब्रुवारी पासून जिल्हा उपनिबंधक कार्यालया समोर अमरण उपोषण करण्याचा इशारा देण्यात आला आहे. यावेळी कृती समितीचे अध्यक्ष गणेश गिते, राजेंद्र कुमार डोंगरे, सोपान शेवाळे, बाबासाहेब शेवाळे, समीर भगत, बबन शिंदे, लिंबराज डोंगरे आदी उपस्थित होते.
No comments:
Post a Comment