कोठल्यात जुगार क्लबवर छापा

नगर । प्रतिनिधी - पोलिस उपअधीक्षक संदीप मिटके यांच्या पथकाने शहरातील कोठला झोपडपट्टीतील जी. एस. अ‍ॅटोमोबाईल समोरील बाजुच्या बोळीत मागच्या बाजूला सुरू असलेल्या पत्त्याच्या जुगार क्लबवर छाटा टाकला. यावेळी पोलिसांनी रोख रक्कम, मोबाईल, दुचाकी असा एकूण एक लाख 20 हजार 270 रुपयांचा मुद्देमाल हस्तगत केला आहे.

यावेळी कादीर बाबुलाल शेख (वय 50, रा. मुकुंदनगर), अन्वर गफुर रज्जाक शेख (वय 52, बागडपट्टी), आरीफ बरकत भुतीया (वय 38, रा. मुकुंदनगर), इरफान इब्राहीम खान (वय 40, रा. शिंदे गल्ली, माळीवाडा), अब्दुल गफार अब्दुल रज्जाक (वय 52, रा. बागडपट्टी), जमीर कादर शेख (वय 32, रा. घासगल्ली, कोठला) या जुगार्‍यांना पोलिसांनी ताब्यात घेतले. जुगार चालक गणेश कानडे (रा. कोठला झोपडपट्टी) हा फरार झाला आहे. उपअधीक्षक मिटके यांच्यासह त्यांच्या पथकातील सहाय्यक पोलिस निरीक्षक रवींद्र पिंगळे, हेडकॉन्स्टेबल सुयोग सुपेकर, पोलिस नाईक बाबासाहेब फसले, विकास साळवे, सचिन जाधव यांनी ही कारवाई केली.