स्मशानभूमीचा प्रश्न तातडीने मार्गी लावणार : आ.संग्राम जगताप

नगर । प्रतिनिधी - वीरशैव लिंगायत समाजाच्या स्मशानभुमीची मोठ्या प्रमाणात दुरावस्था झाली आहे. या स्मशानभूमीसह समाजातील इतर प्रश्नही खूप महत्वाचे आहेत. स्मशानभुमीबाबत तातडीने उपाय योजना राबविण्याबाबत या प्रभागातील नगरसेवक व मी स्वत: प्रयत्न करुन हा विषय तातडीने मार्गी लावणार आहे असे प्रतिपादन आमदार संग्राम जगताप यांनी केले. 

आ.जगताप म्हणाले की, वीरशैव लिंगायत समाजाला मनपाच्या माध्यमातून जागा उपलब्ध करुन देऊ, त्यावर समाज मंदिर बांधण्यासाठी आमदार निधी देऊ. समितीच्या वतीनेही या ठिकाणी श्रमदान व इतर उपक्रम राबवावेत असेही त्यांनी सांगितले. 

काटवन खंडोबा रोडवरील वीरशैव लिंगायत स्मशानभूमीची झालेल्या दुरावस्थेची पाहणी  आ.संग्राम जगताप यांनी केली. यावेळी वीरशैव लिंगायत स्मशानभुमी सुधार समितीच्यावतीने नगरसेवकांचा सत्कार करण्यात आला. 

 याप्रसंगी उपमहापौर मालनताई ढोणे, माजी महापौर सुरेखा कदम, नगरसेवक अनिल शिंदे, सुवर्णा जाधव, विद्या खैरे, प्रशांत गायकवाड, प्रकाश भागानगरे, सुवेंद्र गांधी, दत्ता जाधव,  संभाजी पवार, गणेश नन्नवरे, स्मशानभूमी सुधार समितीचे  संतोष तोडकर,  वैजिनाथ लोखंडे, अध्यक्ष संजय कोरपे, संजय फिरोदे, प्रा.वसंत बैचे, दिलीप तोडकर, नंदू चिखले, गणेश वाळेकर, कैलास हुंडेकरी, विनय नगरकर, विनय होनराव आदि उपस्थित होते.

 माजी नगरसेवक सुवेंद्र गांधी म्हणाले, समाजाच्या सर्वांगिण विकासासाठी एकत्रित प्रयत्न केले जातील. केंद्रात, राज्यात व महानगरपालिकेत भाजपची सत्ता असल्याने समाजाच्या विविध प्रश्नांसंदर्भात पाठपुरावा करुन ते सोडविण्यासाठी आपण स्वत: पुढाकार घेणार आहोत. 

उपमहापौर मालन ढोणे, माजी महापौर सुरेखा कदम व सुवर्धा जाधव, प्रशांत गायकवाड, प्रकाश भागानगरे, विद्या खैरे यांनीही मनोगत व्यक्त केले. 

यावेळी विजय क्षीरसागर, वैजीनाथ हडतगुणे, गणेश वाळेकर, प्रकाश हडतगुणे, प्रकाश हापसे, अ‍ॅड.डि.एस. लोखंडे, नंदू चिखले, तात्या कंठाळे, अ‍ॅड.नितीन जंबुरे, शिवलिंग डोंगरे, नंदकुमार फिरोदे, योगेश कंठाळे, दिलीप तोडकर, शरद सुगंधी, आदिनाथ तोडकर, शशिकांत गुळवे, अमोल राळेगणकर, संदिप क्षीरसागर, प्रितम तोडकर, अमित बेद्रे, संतोष घोडके, राजेश बिडवाई, ट्रस्टचे अध्यक्ष संजय फिरोदे, भारत होनराव, विशाल होनराव, महिला अध्यक्षा अर्चना कोरपे, अर्चना वाळेकर, निर्मला होनराव, विद्या सुगंधी, मीना हापसे, मनिषा कंठाळे आदिंसह समाज बंधू-भगिनी मोठ्या संख्येने उपस्थित होत्या.