नगर । प्रतिनिधी - येथील प.पू.सद्गुरू श्रीरामकृष्ण स्वामी महाराजांच्या संकल्पातून श्रीदत्तक्षेत्रमध्ये निर्माण झालेल्या मंदिरातील भगवान श्री दत्तात्रेय मूर्तीचा कुंभाभिषेक व मंदिराचा कलशाभिषेक करण्यासाठी आलेल्या शृंगेरी पीठाधीश्वर शंकराचार्य श्रीश्रीश्री विधुशेखरभारती स्वामींनी येथे सात दिवस थांबून भरभरून आशीर्वाद देत औरंगाबादकडे प्रस्थान केले. त्यांना निरोप देताना श्रीदत्त देवस्थानचे विश्वस्त, कर्मचारी व स्त्री-पुरूष भाविक मोठ्या संख्येने उपस्थित होते.
श्रीदत्त देवस्थानतर्फे शंकराचार्य स्वामींना मानपत्र अर्पण करण्याचा सोहळा झाला. शृंगेरीपीठाचे प्रशासक पद्मश्री डॉ.व्ही.आर.गौरीशंकरयांचाही सन्मान देवस्थानकडून करण्यात आला. विश्वस्त मोहन शुक्ल यांनी डॉ.गौरीशंकर यांचा परिचय करून दिला.विश्वस्त सचिव श्री.संजय क्षीरसागर, विश्वस्त श्री.देवराज काशीकर, श्री.राजन जोशी, श्री.नितीन जोगळेकर, श्री.दिनेश पटवर्धन व श्री.मोहन शुक्ल यांच्या हस्ते महावस्त्र, मानपत्र व पुष्पहार शंकराचार्य स्वामींना अर्पण करण्यात आले.
विश्वस्त सचिव श्री. संजय क्षीरसागर यांनी देवस्थानतर्फे मनोगत व्यक्त केले. शंकराचार्यांच्या दिव्य सान्निध्यातील आनंददायी क्षणांचे स्मरण करत सर्वांनी त्यांना पुढील यात्रेसाठी निरोप दिला.
No comments:
Post a Comment