नगर । प्रतिनिधी - नगर-पुणे रस्त्यावर नुकत्याच झालेल्या जितो महाट्रेड फेअरमध्ये एज्युकेशन व सर्व्हिस विभागात बेस्ट स्टॉल प्रेझेन्टेशन व डिझायनर्सचा प्रथम पुरस्कार एल अॅण्ड टी कंपनीचे अरविंद पारगावकर, एसीसीसीचे वरिष्ठ अधिकारी धीरज गुगळे यांच्या हस्ते देण्यात आला. हा पुरस्कार प्राचार्य नितीन बोंडे व विद्यार्थ्यांनी स्वीकारला.
यावेळी सीए रमेश फिरोदिया, जितो नगरचे अध्यक्ष गौतम मुनोत, सचिव अमित मुथा, प्रोजेक्ट अध्यक्ष जवाहर मुथा उपस्थित होते.
रमेश फिरोदिया कॉलेज ऑफ आर्किटेक्चर्सच्या विद्यार्थ्यांनी या फेअरमध्ये सुंदर असा स्टॉल तयार केला होता. स्केचिंग, पेंटिंग, स्ट्रक्चरचा कलात्मक व कल्पक वापर केलेल्या स्टॉलला भेट देणार्यांना वास्तुशास्त्र, कला याविषयी अधिक व सखोल ज्ञान प्राप्त झाले. नाविन्यपूर्ण रचनेमुळे आर्किटेक्टचे महत्व कळाले. ऋषिकेश झेंडे, प्रतीक शिंदे, रोशन कुडकर, संकेत तांबे, ओंकार शेटे, यश जाधव, सिद्धी कांकरिया यांनी सुरेंद्र गाडे व कलाकार रवींद्र सातपुते यांच्या सहकार्याने या स्टाँलची रचना केली होती.
त्याचबरोबर जितो महाट्रेड फेअरमधील ऐतिहासिक दालनाच्या सजावटीत कॉलेजच्या विद्यार्थ्यांचे अतुलनीय योगदान होते. नगरच्या ऐतिहासिक वास्तूच्या दालनाची नाविन्यपूर्ण सजावट पाहण्यासाठी प्रचंड गर्दी झाली होती. साक्षी मुथा, वैष्णवी गुजर, साक्षी पडवळ, ज्ञानेश्वरी सोमाणी, प्रज्ञा तुळसकर, सिरीन तांबोळी, यश भंडारे, मृणाली डहाळे, रुची बेदमुथा यांनी रात्रदिवस मेहनत करून नगरी वारसा दर्शन दालनाची निर्मिती केली. या दोन्ही पुरस्काराबद्दल संस्थेचे प्रमुख सीए रमेश फिरोदिया व डॉ. शरद कोलते यांनी सहभागी विद्यार्थी व शिक्षकांचे अभिनंदन केले.
No comments:
Post a Comment