नगर । प्रतिनिधी - गुणवंत विद्यार्थी व शिक्षक यांचे सर्वांसमोर कौतुक झाले तर त्यातून अनेकांना प्रेरणा मिळते, या हेतूने आयोजित हा पारितोषिक सोहळा दरवर्षी आयोजित केला जातो. शाळेच्या प्रांगणात आयोजित या कार्यक्रमातून मिळणारा आनंद सर्वांना अधिक महत्वाचा आहे, असे प्रतिपादन बजरंग दरक यांनी केले.
श्रीरामकृष्ण एज्युकेशन फौंडेशनच्या सेठ नंदलाल धूत इंग्लिश मिडीयम स्कूल व मोहनलाल रामअवतार मानधना ज्युनिअर कॉलेजचा वार्षिक पारितोषिक वितरण सोहळा व प्राचार्या सौ. गीता गिल्डा यांचा निरोप समारंभ बजरंग दरक यांच्या प्रमुख उपस्थितीत व श्रीगोपाल धूत यांच्या अध्यक्षतेखाली झाला. यावेळी ते बोलत होते.याप्रसंगी संस्थेचे उपाध्यक्ष नंदकुमार झंवर, सहसचिव राजेश झंवर, श्रीगोपाल जाखोटिया, लक्ष्मिकांत झंवर, रामसुख मंत्री, सत्यनारायण सारडा आदी उपस्थित होते.
यावेळी गोपाल धूत म्हणाले, स्पर्धेत प्रथम क्रमांक एकालाच मिळतो. अशावेळी इतरांनी सहभाग घेतला नाही तर त्याला महत्त्व राहील का? खरे तर सहभागातून विद्यार्थी घडतात, म्हणूनच त्यांचे कौतुक झाले पाहिजे. प्राचार्या गिल्डा यांचे योगदान अनमोल असून त्यांच्या कार्याची स्तुती व कौतुक म्हणजे संस्थेचीच स्तुती आहे. त्यांच्या काळात संस्थेने भरीव प्रगती केली आहे. यापुढेही त्यांचे सतत मार्गदर्शन मिळेल.
यावेळी नंदकुमार झंवर, सहसचिव राजेश झंवर, श्रीगोपाल जाखोटिया, लक्ष्मिकांत झंवर, राधिका जेऊरकर, अंजना पंडीत, लोळगे, विद्यार्थी सार्थक घोरपडे यांनी प्राचार्या गिल्डा यांच्याविषयी आलेले अनुभव सांगून त्यांना शुभेच्छा दिल्या.
No comments:
Post a Comment