नगर । प्रतिनिधी - अखिल भारतीय सरपंच परिषदेच्या जिल्हा उपाध्यक्षपदी वडगाव गुप्ता (ता. नगर) येथील सरपंच विजय शेवाळे पाटील यांची निवड करण्यात आली आहे. याशिवाय नगर तालुकाध्यक्षपदी हिंगणगावचे आदर्श सरपंच आबासाहेब सोनावणे, सरपंच परिषद महिला आघाडी तालुकाध्यक्षपदी राजश्री कार्ले पाटील, तर नगर तालुका उपाध्यक्षपदी बापूसाहेब आव्हाड व तालुका उपाध्यक्षपदी धनंजय खर्डे यांची निवड करण्यात आली.
अखिल भारतीय सरपंच परिषदेच्या वतीने नगर तालुका सरपंच, उपसरपंच व सदस्यांचा मेळावा काल, गुरुवारी नगर पंचायत समिती सभागृहात आयोजित करण्यात आला होता. यावेळी सर्व नवनियुक्त पदाधिकार्यांना नियुक्तीपत्र देऊन सत्कार करण्यात आला. यावेळी परिषदेचे राज्य उपाध्यक्ष दत्ता काकडे, राज्य समन्वयक अविनाश आव्हाड, जिल्हाध्यक्ष अनिल गिते पाटील आदी उपस्थित होते. प्रास्ताविक आबासाहेब सोनावणे यांनी केले. सूत्रसंचालन अनिल शेडाळे यांनी केले. बापूसाहेब आव्हाड यांनी आभार मानले.नवनियुक्त पदाधिकार्यांचे सर्व स्तरातून अभिनंदन होत आहे.
No comments:
Post a Comment